![•-«[ الآشـًَرأإآفـــ ]»-•](https://i.servimg.com/u/f47/12/27/56/25/th/mod_co10.jpg "•-«[ الآشـًَرأإآفـــ ]»-•")
لو كانت مصر ام الدنيا ياترى مين ابوها
بما ان مصر ام الدنيا (( هما اللى بيقولوا ماليش دعوه))
وبما ان ايضا مصر هى امى (( هما برضه اللى بيقولوا))
بكده تبقى مصر امى وفى نفس الوقت ام الدنيا يعنى كده انا والدنيا اخوات بس ياترى انا والدنيا مين ابونا ؟؟
صدقونى انا مش مجنون انا بس بستعبط ، النظريه اللى انا قولتها دى صح ، لكن لا تنطبق على امثالى من عامة الشعب الفقرانين الكحيانين لان ببساطه مصر مش امنا مصر امهم هما (( ومش عايز واحد ذكى يستظرف دمه ويقولى هما مين )) مصر فعلا أمهم مش امنا واعتقد من وجهة نظرى انها لقتنا على باب جامع قالت اخدهم اربيهم واخليهم يخدموا عيالى .
بس السؤال بقى لو مصر فعلا امهم هما هل ياترى هى خلفتهم فى الحلال ؟؟ اكيد لا لانهم ببساطه طلعوا ولا حرام كلهم ونهبوها ومخلوش فيها حيل تخلف تانى غيرهم ، هما عيله واحنا عيله تانيه خالص ، هما مصريين واحنا خدامين المصريين وام المصريين كمان .
طيب خلينا محترمين ومؤدبين ونحفظ الجميل ونعتبر اننا عيالها بالتبنى حتى ، اكيد كانت هتحن علينا وتحس بينا ، يبقى كده اكيد احنا مش عيالها خالص ، طب احنا مين طيب ؟؟ يكونش احنا
......................
........................
حاجه كمان تضايق اوى
بيقولك مصر هى امى نيلها هو دمي شكلها فى سمارى حتى لونى قمحى.... الخ والمصيبة اللي بيغنوا الاغنية كلهم بشرتهم شقراء وشعرهم اصفر ولما نيلها دمى يبقي مين سيح دمنا بس ؟وعجبى وعجبكم..هييييييييييييييييييه دنيييا
انا بقى عايزكم تقولولى احنا مين ؟؟!!!!!!!!
ومبروك علينا الاعدام يا رجاله
