![•-«[ الآشـًَرأإآفـــ ]»-•](https://i.servimg.com/u/f47/12/27/56/25/th/mod_co10.jpg "•-«[ الآشـًَرأإآفـــ ]»-•")
( يادى الإشراف وسنينه السودة )
قصة خيالية مية في المية
100%
الغرض منها الفكاهة البريئة
وتوضيح الضغوط اللي على المشرفين
أما افتح كده أشوف آخر أخبار المنتدى .. اللهم صلي عالنبي .. تهنئة
خير اللهم اجعله خير
آآآآآآآه .. أسماء المشرفين .. ياما انت كريم يارب .
أخيرا هابقى مشرف
هاشدّ واشطب واحذف
وهاشوف المحذوفات
وهاخلص اللي فات
وصلت يا صعيدي
واليوم هيبقى عيدي
هههههههههههه
أيوووووه .. ده الإشراف ده طلع شغلانة
نرد على الموضوع ده
نشارك هنا
رسالة خاصة .. وماله .. أهلا بيك يا فندم
الحقوني .. حطيت الموضوع مرتين
وماله . نشيلوه
داخلين على 11 بالليل (أنا طبعا مش متعود أنام مع الكتاكيت) .. عادة بانام قبلهم . ممكن8او9 بالليل
كل دي موضوعات لازم اقراها لازم طبعا
ده مكرر .. نشيلوه
ده مش تبعنا . ننقلوه
الساعة 12 بالليل
صوت زئيييييييييير من الداخل
زوجة حيحا - إيه يا محمد انت لسه مانمتش ليه .. سهران ليه لحد دلوقت
- لا .. لا . مممما فيش .. ممممممافيش حاجة
- أنا مش قلت مافيش نت بالليل .. اوع تكون فاتح النت
- لا لا . أبدا أبدا .. ده فيروس جديد .. كنت باحاول أشيله
- الله يخخخخخـرب ( .......) .. مقص الرقيب يتدخل
الساعة واحدة بالليل
الصوت إياه - يانهارك اسود .. انت لسه سهران ؟؟
- لا .. لا .. أنا نايم أهو .. ناااااااااايم
خخخخخخخخخ
الساعة اربعة صباحا
صلاة الفجر في المسجد
- إيه .. الحاج محمد مال عينيه حمرا كده
- أكيد سهران بيحضر طول الليل .. ماشاء الله عليه .. تحضير خطبة الجمعة بياخد منه وقت طويل
- ماشاء الله .. ماشاء الله .. ربنا يعينه يارب
- إيه ياحاج محمد .. كنت بتحضر إيه امبارح
- إيه ؟؟.. آه .. المشاركات
- إيه ؟؟
- سوري .. المشركات . قصدي المشركين والمشركات .. دول طلعوا متعبين أوي
- آآآه .. ربنا يكرمك يارب .. بس ما تسهرش كتير . احسن النهارده غلطت 3 مرات في سورة الفاتحة
يا عاااااااااااااااااااااالم
الساعة ستة صباحا
أعمل ايه يارب .. أعمل إيه
آه .. نخش نشوف منتدى التصميم
هي الموضوعات دي لحقت تنزل امتى .. كل دي موضوعات جديدة
وبعدين في الشغلانة دي ------ الساعة 7 صباحا
زوجة الصعيدي - ها يا محمد .. انت مش قلت لي النهارده عندك أجازة .. وهتكتب لي الـ 100 صفحة بتوعي
- آه طبعا .. طبعا .. ما انا بكتب فيهم أهوه ..
- طب كويس .. وريني كده خطك الجميل .. إيه ده ؟؟ .. الوورد مينيمايزد .. ايه اللي انت فاتحه ده .. منتدى الجامعة تانى
- لا .. لا . انتي أصلك مش واخدة بالك
- أنا اللي مش واخدة بالي . وعهد الله لاحط لك فلتر على المنتدى ده. وكل المواقع اللي فيها اسماء جامعة .. أما اشوف بقى أنا وللا منتدى الجامعة بتاعك ده
- معقول تعملي كده . الله يخليكي بلاش الفلتر .. دا المنتدى ده أمي
- أمك .. تاني .. يعني حماتي التانية .. هو انا مش كفاية عليا واحدة
- لا لأ . مش قصدي .. هي بصراحة أم واحد صاحبي
- إيه .. بتتشات مع أم واحد صاحبك .. لااااااااااا .. دي حاجة ماينسكتش عليها أبدا
- اقفل
قفلت .. واتقطع خط الدي إس إل
بس على مين ..
- ولا ايااااا جماااااااااااااااااااااال (بانادي على جمـال الانتيخ بتاعي .. هنا في بيلا النظام كده) .. جمـال هو صاحبى الانتيخ اللي انا واخد من سيبره الوصلة
- أيوه يا حجيجة
- وصلت اللي بالي بالك
- أيوه .. سهرت عليه للفجر
- طب انزل لي .. عايزك
نزل جمــال
- أيوه يا حجيجة
- فين يابني الكابل
- بص يا حجيجة .. أنا لقيت الحاجة ام معتمد هى عارفه نفسها كويس (زوجة حيحا)
.. الحاجة مسمرت الشباك اللي كنا موصلين منه الكابل . وبعدين جيت اتشطر واشيل
المسامير .. تصدق حصل لي ايه .. لقيتها مكهرباه .. وعينك ما تشوف الا النور .. كنت هقع فى المنور
- أيوووووووه .. وبعدين
- عيب .. أخوك معلم برضه .. وصلته من سكة مش ممكن تيجي على بالها
- إزاي يعني
- طيب امسك أعصابك بس
- فين يابني .. أنا الماوس بدأ يلعب في عبي
- أنا وصلته من ماسورة الصرف بتاعة الحمام
- إيه ..
- زي ما باقولك كده
- طب وهاوصله بالكمبيوتر ازاي
- والله يا حجيجة لازم لما تحب تخش عالنت .. تخش الحمام وتوصل الكابل .. سهلة جدا
- أوصله منين يعني .. مش فاهم
- كلك نظر بقى يا حجيجة .. دا نت بتفهمها وهي طايرة
- إخص الله يكسفك .. فضحتني ف وسط المنتدى
- معلش يا حجيجة . ما كنش ينفع غير كده
- طب وافرض الحاجة لاحظت إن أنا بخش الحمام كتير .. أكيد هتشم خبر
- لا ما تقلقش .. طول مانت في الحمام أكيد هتشم حاجة تانية
- يابن الإيه .. طب وافرض شافت اعقاب السجاير .. نسيت واحد كده وللا كده
- الله .. انت لسه فيك الداء ده يا حجيجة . سجاير ايه اللي في الحمام دي
- آه .. آه .. لامؤاخذة .. متاخدش ف بالك .. كنت بمتحنك بس
- لا ده انا اعجبك يا حجيجة
- طيب .. يامسهل
- لا .. بلاش يا مسهل دي .. بعدين النت يقطع
أخييييييييييييرا .. هاخش عالنت
بيتهيألي لازم يدرك حيحا الصباح
المرة دي أكيد عقله ساح
----------------
اتمنى يكون عجبكم